തൃശൂര്‍: വടക്കേ ബസ് സ്റ്റാന്‍ഡിനു സമീപം ഇന്ത്യ കോഫി ബോര്‍ഡ് എംപ്ലോയീസ് യൂണിയന്‍ (സി.ഐ.ടി.യു.) സ്ഥാപിച്ച എ.കെ.ജി യുടെ പടം അടക്കമുള്ള പരസ്യ ബോര്‍ഡ് നശിപ്പിച്ചതായി പരാതി. അഡ്മിനിസ്‌ട്രേറ്റര്‍ ഭരണത്തിനു അഭിനന്ദനങ്ങള്‍ അര്‍പ്പിച്ചാണ്  ബോര്‍ഡ് സ്ഥാപിച്ചത്.  പിരിച്ചുവിട്ട ഭരണസമിതി അംഗത്തിന്റെ  നേതൃത്വത്തിലാണിതെന്ന് യൂണിയന്‍ ആരോപിച്ചു. സംഭവത്തില്‍ യൂണിയന്‍ സംസ്ഥാന കമ്മിറ്റി പ്രതിഷേധിച്ചു. സിറ്റി പൊലിസ് കമ്മിഷണര്‍ക്ക് പരാതിയും നല്‍കി. കുറ്റവാളികള്‍ക്കെതിരേ നടപടി വേണമെന്ന് പ്രസിഡന്റ് കെ.എഫ്. ഡേവിസ് ,ജനറല്‍ സെക്രട്ടറി സി.കെ. രാജേഷ് എന്നിവര്‍ ആവശ്യപ്പെട്ടു.