വടക്കാഞ്ചേരി: നഗരസഭയിലെ പുതുരുത്തിയില്‍ കണ്‍സ്യൂമര്‍ ഫെഡ് വിദേശമദ്യ വില്‍പന ശാല ആരംഭിക്കാനുള്ള നീക്കത്തിനെതിരെ പ്രതിഷേധവുമായി മേഖലയിലെ സ്‌കൂള്‍ വിദ്യാര്‍ഥികള്‍. പ്രതിഷേധ ജ്വാലയുമായി കുട്ടികള്‍ സത്യാഗ്രഹ പന്തലിലേക്ക്  അഭിവാദ്യ പ്രകടനം നടത്തി. കുടുംബങ്ങള്‍ തകര്‍ക്കുന്ന മദ്യശാല  പുതുരുത്തിയില്‍ വേണ്ടെന്ന പ്ല കാര്‍ഡുകളുമേന്തി മുദ്രാവാക്യം മുഴക്കി മദ്യ വിരുദ്ധ ഗാനമാലപിച്ചായിരുന്നു പ്രകടനം പെണ്‍കുട്ടികള്‍  ഉള്‍പ്പെടെ നിരവധി  കുട്ടികള്‍ പങ്കെടുത്തു. ടി.വി ചന്ദ്ര മോഹന്‍ ഉദ്ഘാടനം ചെയ്തു.  കെ. അജിത് കുമാര്‍, എന്‍.ആര്‍ രാധാകൃഷ്ണന്‍, എന്‍.ആര്‍ സതീശന്‍, കെ.ടി. ജോയ്, ആനന്ദന്‍ മാസ്റ്റര്‍, എ.പി ദേവസി,  അക്ഷര,  നീതു പ്രസംഗിച്ചു.