ന്യൂഡല്‍ഹി: പ്രധാനമന്ത്രി നരേന്ദ്രമോദിയെ 'ദി ലൈ ലാമ' എന്ന് വിശേഷിപ്പിച്ച് തലസ്ഥാന നഗരിയില്‍ വ്യാപക പോസ്റ്റര്‍. മോദിയുടെ വിടുവായത്തങ്ങളെ പരിഹസിച്ചാണ് പോസ്റ്ററുകള്‍ ഇറങ്ങിയത്. കഴിഞ്ഞ ദിവസം രാത്രിയില്‍ ഒട്ടിച്ച പോസ്റ്ററുകളില്‍ സംഘടനകളുടെയോ വ്യക്തികളുടെയോ പേരുകളില്ല.കര്‍ണാടക തെരഞ്ഞെടുപ്പ് റാലിക്കിടെ മോദി നടത്തിയ വ്യാജ ആരോപണങ്ങളും മറ്റും തുറന്നുകാട്ടിയതിനു പിന്നാലെയാണ് പോസ്റ്ററുകള്‍ പ്രത്യക്ഷപ്പെട്ടത്. ഇന്ദര്‍പുരിയിലെ ഇന്ത്യന്‍ അഗ്രികള്‍ച്ചറല്‍ റിസര്‍ച്ച് ഇന്‍സ്റ്റിറ്റ്യൂട്ട് പരിസരം, ജെ.ജെ കോളനി, തോഡാപ്പൂര്‍, കരോള്‍ബാഗ് തുടങ്ങിയ നഗരത്തിലെ വിവിധ മേഖലകളില്‍ പോസ്റ്ററുകള്‍ പതിച്ചിട്ടുണ്ട്.പലതും അടുത്ത നിമിഷത്തില്‍ തന്നെ കീറപ്പെടുകയുമുണ്ടായി.