ക്വലാലംപൂര്‍: ലോകത്തിലെ ഏറ്റവും പ്രായമേറിയ ഭരണാധികാരിയെന്ന നേട്ടം കൈവരിച്ച മലേഷ്യന്‍ പ്രധാനമന്ത്രി മഹാതീര്‍ മുഹമ്മദിന് കേരളവുമായി ബന്ധമുണ്ടെന്നാണ് നിരവധി മലയാളികള്‍ പറയുന്നത്. തൊഴില്‍ തേടി മലേഷ്യയിലേക്ക് കുടിയേറിയ മുഹമ്മദ് ഇസ്‌കന്ദര്‍ കുട്ടിയെന്ന മലയാളിയുടെ മകനാണ് മഹാതീറെന്നാണ് പറയപ്പെടുന്നത്. സര്‍ക്കാര്‍ സ്‌കൂളിലെ അധ്യാപകനായ മലബാറുകാരനായ ഇസ്‌കന്ദര്‍ കുട്ടിയെ മാസ്റ്റര്‍ മുഹമ്മദെന്നാണ് വിളിക്കപ്പെട്ടിരുന്നത്.
എന്നാല്‍ തന്റെ മലയാള ബന്ധത്തെ സംബന്ധിച്ച് ഇതുവരെ മഹാതീര്‍ മുഹമ്മദ് വ്യക്തമാക്കിയിട്ടില്ല. അതേ സമയം പിതാവല്ല പിതാ മഹനാണ് കേരളത്തില്‍ നിന്ന് മലേഷ്യയിലേക്ക് കുടിയേറിയതെന്നാണ് മഹാതീറിന്റെ മകള്‍ മറിന മഹാതീറിന്റെ വാദം.