ഇരിട്ടി: പ്രായപൂര്‍ത്തിയാവാത്ത വിദ്യാര്‍ഥിനികളെ പീഡിപ്പിച്ച സംഭവത്തില്‍ അറസ്റ്റിലായ യുവാവ് റിമാന്‍ഡില്‍. വയനാട് തരുവണ സ്വദേശി ചക്കരപ്പാല്‍ ഹൗസില്‍ മുഹമ്മദ് റാഫി (26) യെയാണ് മട്ടന്നൂര്‍ കോടതി റിമാന്‍ഡ് ചെയ്തത്. പോക്‌സോ നിയമപ്രകാരമാണ് ഇയാള്‍ക്കെതിരേ കേസ്. കഴിഞ്ഞ ഞായറാഴ്ച മുഴക്കുന്ന് പഞ്ചായത്തിലെ ചാക്കാട്ട് പ്രായപൂര്‍ത്തിയാവാത്ത നാല് വിദ്യാര്‍ഥിനികളെ പ്രതി പീഡിപ്പിക്കുകയായിരുന്നു. ചൈല്‍ഡ് വെല്‍ഫെയര്‍ കമ്മിറ്റിക്ക് ലഭിച്ച പരാതിയെ തുടര്‍ന്ന് വനിതാ എസ്. ഐ അടക്കമുള്ളവര്‍ കുട്ടികളില്‍ നിന്ന് മൊഴി എടുത്തു.
കുട്ടികളുടെ മൊഴിയുടെ അടിസ്ഥാനത്തിലാണ് ഇയാളെ ഇരിട്ടി സി. ഐയുടെ ചുമതലയുള്ള പേരാവൂര്‍ സി. ഐ എന്‍. സുനില്‍കുമാര്‍ മുഴക്കുന്ന് എസ്. ഐ കെ. രവീന്ദ്രന്‍ എന്നിവരുടെ നേതൃത്വത്തിലുള്ള പൊലിസ് സംഘം അറസ്റ്റ് ചെയ്തത്.