കോവളം: വാഴമുട്ടം ഗമവണ്‍മെന്റ് സ്‌കൂളിലെ സ്റ്റുഡന്റ് പൊലിസ് കേഡറ്റുകള്‍ക്കായി സംഘടിപ്പിച്ച തൃദിന സമ്മര്‍ ക്യാംപ് സമാപിച്ചു.
വിവിധവിഷയങ്ങളില്‍ നടത്തിയ ക്ലാസുകള്‍ക്ക് ഐ.എം.ജി ട്രെയിനര്‍ പ്രദീപ്, കംപ്യൂട്ടര്‍ സെല്‍ പൊലിസ് ഓഫിസര്‍ ജോഷി നേതൃത്വം നല്‍കി.
ക്യാംപിന്റെ രണ്ടാം ദിവസം ശുദ്ധജലതടാകമായ വെള്ളായണി കായല്‍ പരിസരത്ത് ശുചികരണം നടത്തുകയും കടവിന്‍ മൂല ബണ്ടില്‍ കാണപ്പെട്ട പ്ലാസ്റ്റിക്ക് മാലിന്യങ്ങള്‍ ,ഉപയോഗശൂന്യമായ കുപ്പികള്‍ വിവിധ തരത്തിലുള്ള മറ്റ് മാലിന്യങ്ങള്‍ എന്നിവ ശേഖരിച്ച് ചാക്കുകളിലാക്കി വച്ചത് തരംതിരിച്ച് നശിപ്പിക്കുന്നതിനായി വെങ്ങാനൂര്‍ പഞ്ചായത്ത് മെമ്പര്‍ ആര്‍.എസ് ശ്രീകുമാര്‍ ഏറ്റുവാങ്ങി.
വെള്ളായണി കായല്‍ ബണ്ടു റോഡിലും പരിസര പ്രദേശങ്ങളിലും വെങ്ങാനൂര്‍ പഞ്ചായത്തിന്റെ സഹകരണത്തോടെ വൃക്ഷ തൈകള്‍ നട്ടു പിടിപ്പിച്ചതിന്റെ ഉദ്ഘാടനം വിഴിഞ്ഞം സി.ഐ എന്‍. ഷിബു നിര്‍വഹിച്ചു.
ഇഞ്ചക്കലിലെ ക്രൈം മ്യൂസിയം സന്ദര്‍ശിച്ച കുട്ടികള്‍ക്ക് ലോക്കല്‍ പൊലിസിന്റെയും ക്രൈംബ്രാഞ്ചിന്റെയും കേസന്വേഷണ രീതികള്‍ തമ്മിലുള്ള വ്യത്യാസത്തെകുറിച്ച് ക്രൈം ബ്രാഞ്ച് എസ്.പി. പ്രശാന്തന്‍ കാണി വിശദീകരിച്ചുകൊടുത്തു.
തുടര്‍ന്ന് ശിശു സൗഹൃദ പൊലിസ് സ്റ്റേഷനായ ഫോര്‍ട്ട് ജനമൈത്രി പൊലിസ് സ്‌റ്റേഷനിലും വാഴമുട്ടം സ്‌കൂളിലെ വിദ്യാര്‍ഥികളായ അംഗ പരിമിതരും ചികിത്സയില്‍ കഴിഞ്ഞു വരുന്നവരുമായ കുട്ടികളുടെ വീടുകളിലും സ്റ്റുഡന്‍സ് കേഡറ്റുകള്‍ സന്ദര്‍ശനം നടത്തി. എസ്.എസ്.എല്‍.സി പരീക്ഷയില്‍ ഫുല്‍ എപ്ലസ് വാങ്ങിയ എസ്.പി.സി കേഡറ്റുകളായ അര്‍ജുന ശര്‍മ, സാനിയ, ശില്‍പ, അഞ്ചന, അക്ഷര, അഞ്ചന ജെ.ബി , ആതിര എന്നിവരെ ഹെഡ്മിസ്ട്രസ് അനിത ആദരിച്ചു.