ജക്കാര്‍ത്ത: ഇന്തൊനേഷ്യയില്‍ മൂന്ന് ചര്‍ച്ചുകളില്‍ സ്‌ഫോടനം. ഒന്‍പത് പേര്‍ കൊല്ലപ്പെടുകയും നിരവധി പേര്‍ക്ക് പരുക്കേല്‍ക്കുകയും ചെയ്തു. ഞായറാഴ്ച രാവിലെയാണ് സംഭവം. മൂന്നു ചര്‍ച്ചുകളിലും ചാവേറുകള്‍ പൊട്ടിത്തെറിച്ചാണ് സ്‌ഫോടനുണ്ടായത്.

ജാവ ദ്വീപിലെ തുറമുഖ നഗരമായ സുരബയയിലാണ് സംഭവം. രണ്ട് പൊലിസുകാര്‍ അടക്കം 40 പേരെ ആശുപത്രിയിലേക്കു മാറ്റിയതായി ഈസ്റ്റ് ജാവ പൊലിസ് പറഞ്ഞു.

സെന്റ് മരിയ കത്തോലിക്കാ ചര്‍ച്ച്, ഇന്തൊനേഷ്യന്‍ ക്രിസ്ത്യന്‍ ചര്‍ച്ച്, പെന്തകോസ്റ്റ് സെന്‍ട്രല്‍ ചര്‍ച്ച് എന്നിവിടങ്ങളിലാണ് സ്‌ഫോടനമുണ്ടായത്. സെന്റ് മരിയയില്‍ അഞ്ചു പേരും മറ്റു രണ്ടു ചര്‍ച്ചുകളില്‍ രണ്ടു പേര്‍ വീതവുമാണ് കൊല്ലപ്പെട്ടത്. രാവിലെ 7.30, 7.35, 8.00 മണി ഇങ്ങനെയാണ് സ്‌ഫോടനമുണ്ടായത്.

തീവ്രവാദ ആക്രമണമാണ് ഉണ്ടായതെന്ന് ഇന്തൊനേഷ്യന്‍ വിദേശകാര്യ മന്ത്രാലയം പറഞ്ഞു.