കൊണ്ടോട്ടി: കരിപ്പൂര്‍ വിമാനത്താവളത്തെ സംരക്ഷിക്കാന്‍ യൂത്ത് കോണ്‍ഗ്രസ്സ് നടത്തുന്ന സമരം ഫാസിസ്റ്റുകള്‍ക്കെതിരേയുള്ള പോരാട്ടം കൂടിയാണെന്ന് ആര്യാടന്‍ ഷൗക്കത്ത് പറഞ്ഞു. ഹജ്ജ് എംപാര്‍ ക്കേഷന്‍ പോയിന്റ് കരിപ്പൂരില്‍ അനുവദിക്കുക, പിരിച്ചുവിട്ട കരാര്‍ തൊഴിലാളികളെ  തിരിച്ചെടുക്കുക തുടങ്ങിയ ആവശ്യങ്ങളുന്നയിച്ച് യൂത്ത് കോണ്‍ഗ്രസ്സ് മലപ്പുറം പാര്‍ലിമെന്റ് കമ്മിറ്റി  എയര്‍പോര്‍ട്ട് പരിസരത്ത് ആരംഭിച്ച അനിശ്ചിത കാല 'നിശാധര്‍ണ' യുടെ പതിമുന്നാം ദിനം  ഉദ്ഘാടനം ചെയ്യുകയായിരുന്നു അദ്ദേഹം. യൂത്ത് കോണ്‍ഗ്രസ് മലപ്പുറം പാര്‍ലമെന്റ് കമ്മിറ്റി  പ്രസിഡന്റ് റിയാസ് മുക്കോളി അധ്യക്ഷനായി.  പി നിധീഷ്, അബ്ദുല്‍ അലി മാസ്റ്റര്‍, അസ്‌ലം  മാസ്റ്റര്‍ ചീക്കോട്, അഭിലാഷ് ചീക്കോട്, നിസാര്‍ പുളിക്കല്‍, സി ഉണ്ണി മൊയ്തു, ടി അമീന്‍, അന്‍വര്‍ അരൂര്‍, ലത്തീഫ്  സംസാരിച്ചു.