ജിദ്ദ: സഊദിയില്‍ ജനിച്ച കുട്ടികളുടെ പേര് ഇഖാമയില്‍ ചേര്‍ക്കാന്‍ ജവാസാത്തില്‍ നേരിട്ടെത്തണമെന്ന് ഉപമേധാവി ഖാലിദ് അല്‍ സൈഖാന്‍ പറഞ്ഞു.
ആരോഗ്യ മന്ത്രാലയത്തിനുകീഴിലെ ആശുപത്രികളില്‍ നിന്ന് സിവില്‍ സര്‍വിസ് വിഭാഗത്തിലെത്തുന്ന ജനന സര്‍ട്ടിഫിക്കറ്റ് ഓണ്‍ലൈന്‍ വഴി അയയ്ക്കുകയും വേണം. പിതാവും മാതാവും വിരലടയാളം ഉള്‍പ്പെടെയുള്ള വിവരങ്ങള്‍ നല്‍കിയവരായിരിക്കണമെന്ന നിബന്ധനയുമുണ്ട്.
നാഷനാലിറ്റി മാറ്റം, മതംമാറ്റം തുടങ്ങിയവ ഇഖാമയില്‍ ചേര്‍ക്കുന്നതിനും നേരിട്ട് ഹാജരാകണം. സര്‍ക്കാര്‍ ഓഫിസുകളില്‍ നിന്ന് ലഭിക്കുന്ന രേഖകളുമായാണ് ജവാസാത്തിനെ സമീപിക്കേണ്ടത്. ഇത്തരം സേവനങ്ങള്‍ ഒഴിച്ചുള്ള എല്ലാ നടപടികളും ഓണ്‍ലൈന്‍ വഴി ലഭിക്കും.
രാജ്യത്ത് അനുമതിയുള്ള എല്ലാ എയര്‍ലൈന്‍ ഓഫിസുകള്‍ക്കും സ്വദേശത്തെയും വിദേശത്തെയും എംബസികള്‍ക്കും ഇഖാമ കാലാവധിയും റീ എന്‍ട്രിയും ഓണ്‍ലൈനിലൂടെ പരിശോധിക്കാമെന്നും അദ്ദേഹം പറഞ്ഞു.