ബാലുശ്ശേരി: ഇരുവൃക്കകളും തകരാറിലായ യുവതി കനിവു തേടുന്നു. കുട്ടമ്പൂര്‍ കുളപ്പുറത്ത് മന്‍സൂറിന്റെ ഭാര്യയും കൂളിപ്പൊയിലിലെ പുനത്തില്‍ ഇസ്മായിലിന്റെ മകളുമായ ഫസ്‌ല മന്‍സൂര്‍ (32) ആണ് വൃക്കമാറ്റിവയ്ക്കല്‍ ശസ്ത്രക്രിയക്കായി സുമനസുകളുടെ സഹായം തേടുന്നത്.
ശസ്ത്രക്രിയക്കും തുടര്‍ചികിത്സകള്‍ക്കുമായി ഏകദേശം 30 ലക്ഷം രൂപയോളം വരും. സാമ്പത്തികമായി പിന്നാക്കാവസ്ഥയിലായ കുടുംബത്തിന് ഈ തുക ഏറേ ഭാരിച്ചതാണ്. എട്ടാം ക്ലാസില്‍ പഠിക്കുന്ന ഏകമകളുടെ വിദ്യാഭ്യാസവും ഉമ്മയുടെ അസുഖം കാരണം അനിശ്ചിതത്വത്തിലാണ്. ഈ കുടുംബത്തെ സഹായിക്കാനായി നാട്ടുകാര്‍ ചികിത്സാ കമ്മിറ്റി രൂപീകരിച്ച് പ്രവര്‍ത്തനം തുടങ്ങിയിട്ടുണ്ട്.
മന്ത്രി എ.കെ ശശീന്ദ്രന്‍, എം.കെ രാഘവന്‍ എം.പി, തദ്ദേശ സ്വയംഭരണ പ്രതിനിധികള്‍ എന്നിവര്‍ രക്ഷാധികാരികളായും കാക്കൂര്‍ പഞ്ചായത്തംഗം പാലക്കുഴി വേലായുധന്‍ നായര്‍ ചെയര്‍മാനായും ഇ.കെ മുഹമ്മദ് ട്രഷററുമായാണ് കമ്മിറ്റി പ്രവര്‍ത്തനം. പഞ്ചാബ് നാഷനല്‍ ബാങ്ക് നന്മണ്ട ശാഖയില്‍ അക്കൗണ്ട് തുടങ്ങിയിട്ടുണ്ട്.നമ്പര്‍: 4321 000100 6757 ഐ.എഫ്.എസ്.സി. കോഡ് ുൗിയീ 432100. ഫോണ്‍: 9605459776.