പത്തനംതിട്ട: മീനമാസ പൂജകള്‍ പൂര്‍ത്തിയാക്കി ശബരിമല നട നാളെ അടയ്ക്കും. കൊടിമരം ഇല്ലാത്തതിനാല്‍ ഈ വര്‍ഷം പത്ത് ദിവസത്തെ ഉത്സവം ഉണ്ടാകില്ല. പുതിയ കൊടിമരം നിര്‍മിക്കുന്നതിന്റെ ഭാഗമായി നിലവിലുണ്ടായിരുന്ന കൊടിമരം നീക്കിയിരുന്നു. എന്നാല്‍ ഉത്സവം നടക്കേണ്ടിയിരുന്ന പത്ത് ദിവസവും നട തുറക്കും. 30ന് വൈകിട്ട് അഞ്ചിന് നട തുറക്കും. ഏപ്രില്‍ ഒന്‍പതിന് രാത്രി അടയ്ക്കും.
വിഷു ഉത്സവത്തിനായി ഏപ്രില്‍ പത്തിന് വൈകിട്ട് അഞ്ചിന് തുറക്കും.