കോഴിക്കോട്: ഹയര്‍ സെക്കന്‍ഡറി പരീക്ഷയിലെ കെമിസ്ട്രി വിദ്യാര്‍ഥികളെ കുഴച്ചത് ചോദ്യപേപ്പര്‍ തയാറാക്കിയതിലെ അപാകതയെന്ന് സൂചന. കോളജ് തല നിലവാരത്തിലുള്ള ചോദ്യങ്ങളാണ് ഒന്നാം വര്‍ഷ ഹയര്‍സെക്കന്‍ഡറി പരീക്ഷയിലെ കെമിസ്ട്രി പരീക്ഷയ്ക്ക് വന്ന ചോദ്യങ്ങളിലേറെയും. അതിനാല്‍ പല വിദ്യാര്‍ഥികള്‍ക്കും പരീക്ഷ കടുത്ത പരീക്ഷണമായി മാറി.
പരീക്ഷ എഴുതിയ പലരും ഇപ്പോള്‍ ആശങ്കയിലാണ്. മെഡിക്കല്‍ എന്‍ട്രന്‍സിന് പ്ലസ് ടു മാര്‍ക്കുകൂടി പരിഗണിക്കുന്നതിനാല്‍ സയന്‍സ് വിഭാഗത്തിന് മാര്‍ക്കുകുറഞ്ഞാല്‍ അത് കേരളാ സിലബസ് വിദ്യാര്‍ഥികളുടെ എന്‍ട്രസ് പ്രതീക്ഷയ്ക്ക് തിരിച്ചടിയാകും.