തൃശൂര്‍: നഗരത്തില്‍ ഭിന്നലിംഗക്കാക്കുനേരം പൊലിസ് അതിക്രമം. ഇന്നലെ രാത്രി വീട്ടിലേക്ക് പോകാനായി ബസ് കാത്തുനിന്ന രാഗരഞ്ജിനി, ദീപ്തി, അലീന എന്നിവരെയാണ് പൊലിസ് മര്‍ദ്ദിച്ചത്.

രാത്രി പതിനൊന്ന് മണിയോടെ കെഎസ്ആര്‍ടിസി ബസ് സ്റ്റാന്‍ഡില്‍ നിന്നും ഭക്ഷണം കഴിച്ചിറങ്ങുമ്പോഴാണ് പൊലിസ് ചോദ്യം ചെയ്യുകയും മര്‍ദ്ദിക്കുകയും ചെയ്തതെന്ന് പരുക്കേറ്റവര്‍ പറയുന്നു. ചൂരല്‍വടിയെടുത്ത് തലങ്ങും വിലങ്ങും അടിച്ചു.

ഗുരുതരമായി പരുക്കേറ്റതിനെ തുടര്‍ന്ന് ജില്ലാ ആശുപത്രിയില്‍ ചികിത്സയ്ക്ക് എത്തിയെങ്കിലും ഇവര്‍ക്ക് ചികിത്സ നിഷേധിച്ചതായും ആരോപണമുണ്ട്.

എല്‍ജിബിടി പ്രവര്‍ത്തകയായ ശീതള്‍ ശ്യാം ആശുപത്രിയിലെത്തി, വാക്ക് തര്‍ക്കത്തിനു ശേഷമാണ് ഇവര്‍ക്ക് ചികിത്സ നല്‍കുവാന്‍ ഡോക്ടര്‍മാര്‍ തയ്യാറായത്.