ചങ്ങരംകുളം:  ഭീമന്‍ മലമ്പാമ്പിനെ നാട്ടുകാര്‍ പിടികൂടി. കോക്കൂര്‍ സി.എച്ച് നഗറിലെ മാങ്കുളം   പാവിട്ടപ്പുറം റോഡില്‍ ഇല്ലത്ത് വളപ്പില്‍ അബദുറഹിമാന്റെ വീട്ടുമുറ്റത്ത് നിന്നാണ് മലമ്പാമ്പിനെ  പിടികൂടിയത്. കഴിഞ്ഞ ദിവസം രാത്രി പത്തോടെയാണ് ബൈക്ക് യാത്രികരായ ദമ്പതികള്‍  വഴിക്കു കുറുകെ മലമ്പാമ്പിലെ കണ്ടത്. പാമ്പിനെ കണ്ടയുടന്‍ ഇവര്‍ ബഹളമുണ്ടാക്കിയതിനെ തുടര്‍ന്ന്  വീട്ടുകാരും അയല്‍ വാസികളും ഓടിക്കൂടുകയായിരുന്നു. തുടര്‍ന്ന് നാട്ടുകാരും ബ്രദേഴ്‌സ്  ക്ലബ് പ്രവര്‍ത്തകരും ചേര്‍ന്ന്ശ്രമകരമായി പാമ്പിനെ പിടികൂടി.
രണ്ട് ദിവസം മുമ്പ് കോക്കൂര്‍  കൊടക്കാട്ട് ബാലന്റെ വീട്ടില്‍ നിന്ന് താറാവുകളെ കണാതായതിനെ തുടര്‍ന്ന് നടത്തിയ അന്വേഷണത്തില്‍  സമീപത്തെ കുളത്തിനു സമീപം ഇതേ മലമ്പാമ്പിനെ കണ്ടെത്തിയിരുന്നു. സമീപവാസികള്‍  ഓടിക്കൂടിയെങ്കിലും പാമ്പ് മാളത്തില്‍ കയറി രക്ഷപ്പെട്ടു. പാമ്പിനെ പിടിച്ച വിവരം പൊലിസിനെയും ഫോറസ്റ്റ് അതികൃതരേയും അറിയിച്ചിട്ടുണ്ട്.