യാങ്കൂണ്‍: മധ്യ മ്യാന്‍മറില്‍ ബുദ്ധ തീവ്രവാദികള്‍ ഒരു പള്ളി കൂടി തകര്‍ത്തതോടെ സമാധാനാന്തരീക്ഷം താറുമാറായി. പ്രദേശത്ത് നിരവധി പൊലിസുകാരെ വിന്യസിച്ചതായി അധികൃതര്‍ പറഞ്ഞു. കഴിഞ്ഞ വ്യാഴാഴ്ച തായ്തമീന്‍ ഗ്രാമത്തിലാണ് ബുദ്ധമതക്കാര്‍ മുസ്‌ലിം പള്ളി തകര്‍ത്തത്. പള്ളിയുടെ നിര്‍മാണവുമായി ബന്ധപ്പെട്ട തര്‍ക്കത്തിനിടെ പള്ളി തകര്‍ക്കുകയായിരുന്നു. തുടര്‍ന്ന് ഗ്രാമത്തില്‍ ഇരു വിഭാഗവും തമ്മില്‍ അങ്ങിങ്ങായി അക്രമങ്ങള്‍ നടക്കുകയാണ്. എന്നാല്‍ സമാധാനാന്തരീക്ഷം എത്രയും പെട്ടെന്ന് തിരിച്ചു കൊണ്ടുവരാനാകുമെന്ന് മ്യാന്‍മര്‍ ഭരണകൂടം പറഞ്ഞു.