ഗൂഡല്ലൂര്‍: വീട് കുത്തിത്തുറന്ന് മോഷണം നടത്തിയ കേസില്‍ വീട്ടുടമസ്ഥന്റെ സഹോദരനുള്‍പ്പെടെ രണ്ട് പേരെ പൊലീസ് പിടികൂടി.
കൊളപ്പള്ളി കുറിഞ്ചിനഗര്‍ സ്വദേശി രാധാകൃഷ്ണന്റെ വീട് കുത്തിത്തുറന്ന് മോഷണം നടത്തിയ കേസിലാണ് സഹോദരന്‍ രാമചന്ദ്രന്‍(39), ഓവാലി ചൂണ്ടി സ്വദേശി നാഗരാജന്‍(62) എന്നിവരെ ചേരമ്പാടി എസ്.ഐ രാജന്‍ അറസ്റ്റു ചെയ്തത്. രാധാകൃഷ്ണനും ഭാര്യ ഗോമതിയും ബന്ധുവീട്ടില്‍ പോയ സമയത്താണ് വീട് കുത്തിത്തുറന്ന് വീട്ടിനുള്ളിലെ അലമാരയില്‍ സൂക്ഷിച്ചിരുന്ന ഏഴ് പവന്‍ സ്വര്‍ണം സംഘം മോഷ്ടിച്ചത്.
പുതുക്കോട്ടയിലെ സ്വര്‍ണ കടയില്‍ വില്‍പ്പന നടത്തിയ സ്വര്‍ണവും പൊലീസ് പിടിച്ചെടുത്തിട്ടുണ്ട്.