ചാരുംമൂട്: കടുവിനാല്‍ ജുമാ മസ്ജിദില്‍ അന്ത്യവിശ്രമം കൊള്ളുന്ന മുസാഫിര്‍ ഉപ്പാപ്പയുടെ 63 -മത് ആണ്ടുനേര്‍ച്ച 22 മുതല്‍ 25 വരെ നടക്കും. ഇബ്രാഹിംകുട്ടി മുസ്‌ലിയാര്‍ പതാക ഉയര്‍ത്തി. 22 ന് രാവിലെ 9 ന് നടക്കുന്ന കൗണ്‍സിലിങ്് ഷംസുദീന്‍ ഖാസിമി നയിക്കും.
രാത്രി 7 ന് മതവിജ്ഞാന സദസ് ചീഫ് ഇമാം താഹ മിസ്ബാഫി ഉദ്ഘാടനം ചെയ്യും. ജമാ അത്ത് പ്രസിഡന്റ് ബി.ഷംസുദീന്‍ അധ്യക്ഷത വഹിക്കും. 8 ന് മത പ്രഭാഷണം. 23 ന് രാത്രി 8 ന് മതപ്രഭാഷണം, അനുമോദനം. 24 ന് വൈകിട്ട് 6ന് മാനവമൈത്രി സംഗമം കൊടിക്കുന്നില്‍ സുരേഷ് എം.പി ഉദ്ഘാടനം ചെയ്യും.എ.ഖാലിദീന്‍ കുഞ്ഞ് അധ്യക്ഷത വഹിക്കും.ആര്‍.രാജേഷ് എം.എല്‍.എ വിദ്യാഭ്യാസ അവാര്‍ഡുകള്‍ വിതരണം ചെയ്യും. ചടങ്ങില്‍ സംസ്ഥാന ഹജ്ജ് കമ്മിറ്റി ചെയര്‍മാനായി തെരഞ്ഞെടുക്കപ്പെട്ട തൊടിയൂര്‍ മുഹമ്മദ് കുഞ്ഞ് മൗലവിക്ക് സ്വീകരണം നല്‍കും. തുടര്‍ന്ന് ആട് വിതരണവും നടക്കും.
25 ന് രാവിലെ 9 ന് നടക്കുന്ന കൂട്ട സിയാറത്ത് ഖത്തമുല്‍ ഖുര്‍ആന്‍ സ്വലാത്ത് മൗലിദ് സദസ് ദുആ ചടങ്ങുകള്‍ക്ക് ത്വാഹ മിസ്ബാഹി നേതൃത്വം നല്‍കും.11 ന് അന്നദാനം, രാത്രി 7 ന് നടക്കുന്ന കൂട്ടപ്രാര്‍ത്ഥനയ്ക്ക് ഇ.കെ.അബ്ദുല്‍ ഖാദര്‍ സഖാഫി നേതൃത്വം നല്‍കും.