മലപ്പുറം: മലപ്പുറം ഉപതെരഞ്ഞെടുപ്പില്‍ യു.ഡി.എഫ് സ്ഥാനാര്‍ഥിയായി മത്സരിക്കുന്ന പി.കെ കുഞ്ഞാലിക്കുട്ടി നാമനിര്‍ദ്ദേശ പത്രിക സമര്‍പ്പിച്ചു. ഇന്ന് രാവിലെ 11 മണിക്കാണ് പി കെ കുഞ്ഞാലിക്കുട്ടി നാമനിര്‍ദേശ പത്രിക സമര്‍പ്പിച്ചത്

യുഡിഎഫിന്റെ തെരഞ്ഞെടുപ്പ് കണ്‍വെന്‍ഷനും ഇന്ന് നടക്കും. ഉച്ചക്ക് ശേഷം മൂന്ന് മണിക്ക് നടക്കുന്ന യുഡിഎഫ് കണ്‍വെന്‍ഷനില്‍ മുന്‍മുഖ്യമന്ത്രി ഉമ്മന്‍ചാണ്ടി, പ്രതിപക്ഷ നേതാവ് രമേശ് ചെന്നിത്തല എന്നിവര്‍ പങ്കെടുക്കും.

എല്‍.ഡി.എഫ് സ്ഥാനാര്‍ഥിയായ എം.ബി ഫൈസലിന്റെ പ്രചാരണ പ്രവര്‍ത്തനങ്ങളും മണ്ഡലത്തില്‍ സജീവമായി. നാളെയാണ് ഫൈസല്‍ നാമനിര്‍ദേശ പത്രിക സമര്‍പ്പിക്കുക.