പുന്നയൂര്‍ക്കുളം: ചെറായി നോര്‍ത്ത് എ.എം.എല്‍.പി സ്‌കൂള്‍ 97 ാം വാര്‍ഷികാഘോഷവും, ബാലോല്‍സവവും, ശിലാസ്ഥാപനവും സംഘടിപ്പിച്ചു. ചെറായി നോര്‍ത്ത് എ.എം.എല്‍.പി സ്‌കൂള്‍ 97 വാര്‍ഷികാഘോഷത്തോടനുബന്ധിച്ച് നടന്ന പുതിയ കെട്ടിടത്തിന്റെ ശിലാസ്ഥാപനം പാണക്കാട് മുനവറലി ശിഹാബ് തങ്ങള്‍ നിര്‍വഹിച്ചു. തുടര്‍ന്ന് നടന്ന് പൊതുപരിപാടി പെരുമ്പടപ്പ് പഞ്ചായത്ത് പ്രസിഡന്റ് കുഞ്ഞിമോന്‍ പൊറാടത്ത് ഉദ്ഘാടനം ചെയ്തു. സ്‌കൂള്‍ മാനേജര്‍ ഷാജി അധ്യക്ഷനായി. ചാവക്കാട് ബ്ലോക്ക് പഞ്ചായത്തംഗം ആലത്തയില്‍ മൂസ, പെരുമ്പടപ്പ് ബ്ലോക്ക് പഞ്ചായത്തംഗം അനീസ് കൊടികുത്തി, പെരുമ്പടപ്പ് പഞ്ചായത്ത് മെമ്പര്‍ ലില്ലി, യു അബൂബക്കര്‍, എ.പി മൊഹമ്മദുണ്ണി ഹാജി, കല്ലയില്‍ കുത്തിമോന്‍, അബ്ദുല്ലക്കുട്ടി, അരവിന്ദന്‍, സിദ്ദീക്ക് കൊയ്യാകോട്ടില്‍, പി സഫിയ, ബഷീര്‍ വെട്ടുവെഞ്ചേരി തുടങ്ങിയവര്‍ സംസാരിച്ചു. പ്രധാനാധ്യപിക മേഴ്‌സി റിപ്പോര്‍ട്ട് അവതരിപ്പിച്ചു. എസ്.ആര്‍.ജി കണ്‍വീനന്‍ സതീഷ് ബാബു സ്വാഗതവും ലിസി സി.ജെ നന്ദിയും പറഞ്ഞു. സ്‌കൂളിന്റെ 97ാം വാര്‍ഷിക ആഘോഷത്തോടനുബന്ധിച്ച് നടന്ന ബാലോത്സവം പഞ്ചായത്ത് പ്രസിഡന്റ് എ.ഡി ധനീപ് ഉദ്ഘാടനം ചെയ്തു. പഞ്ചായത്തംഗം കെ.എസ് ഭാസ്‌കരന്‍ അധ്യക്ഷനായി. സ്‌കൂള്‍ മനേജര്‍ ഷാജി, പ്രധാധ്യാപിക മേഴ്‌സി ജേക്കബ്, ജലീല്‍, ദേവു, മുഹ്‌സിന്‍ എം. അലി, ഷൈജ, പി.ടി.എ പ്രസിഡന്റ് സഫൂറ റസ്‌ലജ്, സ്റ്റാഫ് സെക്രട്ടറി ജോതി സംസാരിച്ചു. തുടര്‍ന്ന് തങ്ങള്‍പ്പടി, കാപ്പിരിക്കാട് , പാലപ്പെട്ടി, തെക്കം തിയ്യം, കണ്ടു ബസാര്‍, അയിരൂര്‍ എന്നീ ആറ് അംഗന്‍വാടികളിലെ കുട്ടികളുടെയും സ്‌കൂളിലെ പ്രീ പ്രൈമറി വിദ്യാര്‍ഥികളുടെയും കലാപരിപാടികള്‍ നടന്നു.