അരൂര്‍: ദേശീയപാതയില്‍ കുമര്‍ത്തുപടി ക്ഷേത്രത്തിനു സമീപം ബൈക്കും സ്‌കൂട്ടറും കൂട്ടിയിടിച്ച് മൂന്ന് പേര്‍ക്ക് പരുക്കേറ്റു. ചന്തിരൂര്‍ ബിസ്മില്ലയില്‍ താഹ (58), ചേര്‍ത്തല മതിലകം കൊല്ലം പറമ്പില്‍ അനന്ദു (17), ചേര്‍ത്തല ചിറപ്പുറത്ത് ആദര്‍ശ് (17 എന്നിവരെയാണ് എറണാകുളത്തെ സ്വകാര്യാശുപത്രിയില്‍ പ്രവേശിപ്പിച്ചത്. ചന്തിരൂര്‍ പഴയ പാലത്തിനു സമീപമുള്ള ഐസ് പ്ലാന്റില്‍ നിന്ന് പള്ളിയിലേക്ക് പോകുമ്പോള്‍ തെക്ക് നിന്ന് വടക്കോട്ട് പോകുകയായിരുന്ന ബൈക്ക് താഹയുടെ സ്‌കൂട്ടില്‍ ഇടിക്കുകയായിരുന്നു. ഇടിയുടെ ആഘാതത്തില്‍ സമീപത്തേ മീഡിയനില്‍ നിന്നിരുന്ന വിളക്കുകാല്‍ ഇടിച്ചുതെറിപ്പിച്ച ശേഷം ബൈക്ക് മീഡിയനിലേക്ക് മറിയുകയായിരുന്നു.