തിരുവനന്തപുരം: യൂത്ത് കോണ്‍ഗ്രസ് നിയമസഭയിലേക്ക് നടത്തിയ മാര്‍ച്ചില്‍ സംഘര്‍ഷം. തലശ്ശേരിയില്‍ ദലിത് യുവതികളെ അറസ്റ്റ് ചെയ്തതില്‍ പ്രതിഷേധിച്ചാണ് യൂത്ത് കോണ്‍ഗ്രസ് നിയമസഭയിലേക്ക് മാര്‍ച്ച് നടത്തിയത്. മാര്‍ച്ചില്‍ നിരവധി പ്രവര്‍ത്തകര്‍ക്ക് പരുക്കേറ്റു.

മാര്‍ച്ച് ചന്ദ്രശേഖരന്‍ നായര്‍ സ്റ്റേഡിയത്തില്‍ പൊലിസ് ബാരിക്കേഡ് ഉപയോഗിച്ച് തടഞ്ഞു. തുടര്‍ന്ന് ബാരിക്കേഡ് മറിച്ചിട്ട പ്രവര്‍ത്തകര്‍ പൊലിസിനു നേരെ കല്ലെറിഞ്ഞു. മാര്‍ച്ചില്‍ സംഘര്‍ഷം കനത്തതോടെ ജലപീരങ്കിയും കണ്ണീര്‍ വാതകവും പൊലിസ് പ്രയോഗിച്ചു. ജലപീരങ്കി പൊലിസ് പ്രയോഗിച്ചതോടെ യൂത്ത് കോണ്‍ഗ്രസ് പ്രവര്‍ത്തകര്‍ റോഡില്‍ കുത്തിയിരുന്ന പ്രതിഷേധിച്ചു. സംസ്ഥാന അധ്യക്ഷന്‍ ഡീന്‍ കുര്യാക്കോസിന്റെ നേതൃത്വത്തിലാണ് മാര്‍ച്ച് തുടങ്ങിയത്.