എടപ്പാള്‍: വീടിന്റെ വാതില്‍ തകര്‍ത്ത് അകത്തുകടന്ന മോഷ്ടാവ് 44 പവന്‍ സ്വര്‍ണവും സി.സി.ടി.വി കാമറയും സ്റ്റോറേജ് ഡിവൈസും മോഷ്ടിച്ചു. നടുവട്ടം തച്ചാരത്ത് വളപ്പില്‍ മുഹമ്മദ് കുട്ടിയുടെ വീട്ടിലാണ് ഞായറാഴ്ച രാത്രി മോഷണം നടന്നത്.
വീടിന്റെ മുകളിലത്തെ നിലയുടെ വാതില്‍ തകര്‍ത്ത് അകത്തുകടന്ന മോഷ്ടാവ് ഇവിടെ സൂക്ഷിച്ചിരുന്ന സ്വര്‍ണവും സി.സി.ടി.വി യൂനിറ്റിലെ മുകളില്‍ സ്ഥാപിച്ച കാമറയും സ്റ്റോറേജ് ഡിവൈസും മോഷ്ടിക്കുകയായിരുന്നു.
വീട്ടിലുള്ളവര്‍ താഴത്തെ നിലയില്‍ ഉണ്ടണ്ടായിരുന്നെങ്കിലും രാവിലെയോടെയാണ് മോഷണവിവരം അറിഞ്ഞത്.
സ്റ്റോറേജ് ഡിവൈസ് മോഷ്ടിച്ചതോടെ മോഷ്ടാവിനെ കണ്ടെണ്ടത്താനുള്ള സാധ്യതയും നഷ്ടപ്പെട്ടു.
ചങ്ങരംകുളം പൊലിസും മലപ്പുറത്തുനിന്നെത്തിയ വിരലടയാള വിദഗ്ധരും ഡോഗ് സ്‌ക്വോഡും സ്ഥലത്ത് പരിശോധന നടത്തി.