എടച്ചേരി: ഇരിങ്ങണ്ണൂര്‍ ഹയര്‍ സെക്കന്‍ഡറി സ്‌കൂള്‍ എന്‍ എസ് എസ് യൂനിറ്റ് എടച്ചേരി കൃഷിഭവന്റെ സഹകരണത്തോടെ നടത്തുന്ന നെല്‍കൃഷിക്കായി വിത്തു വിതച്ചു . തൂണേരി ബ്ലോക്ക് പഞ്ചായത്ത് പ്രസിഡന്റ് സി.എച്ച് ബാലകൃഷണന്‍ ഉദ്ഘാടനം ചെയ്തു. വിദ്യാര്‍ഥികള്‍ക്ക് മണ്ണിനെ അറിയാനും കൃഷി ചെയ്ത് കാര്‍ഷിക സംസ്‌കാരം വളര്‍ത്താനുള്ള അവസരമായി വിത്തു വിതക്കല്‍ ചടങ്ങ് മാറി.
ട്രാക്ടര്‍ ഉപയോഗിച്ച് നിലം ഉഴാനും വിത്ത് വിതക്കാനും വിദ്യാര്‍ഥികളോടൊപ്പം ഹയര്‍ സെക്കന്‍ഡറി അധ്യാപകരും കൂടി. . യോഗത്തില്‍ വാര്‍ഡ് മെംബര്‍ ടി.പി പുരുഷു അധ്യക്ഷനായി .
വാര്‍ഡ് മെംബര്‍ ഗംഗാധരന്‍ പാച്ചാക്കര, സ്‌കൂള്‍ ഭരണ സമിതി പ്രസിഡന്റ് രവീന്ദ്രന്‍ പാച്ചാക്കര, സെക്രട്ടറി പവിത്രന്‍ മാസ്റ്റര്‍, എടച്ചേരി കൃഷി ഓഫിസര്‍ ശ്രീജ, പി.ടി.എ പ്രസിഡന്റ് വി.കെ മോഹനന്‍ മാസ്റ്റര്‍, വത്സരാജ് മണലാട്ട്, സി.കെ ബാലന്‍, ലസിത പങ്കെടുത്തു. പ്രിന്‍സിപ്പല്‍ പി. രാജ് കുമാര്‍ സ്വാഗതവും എന്‍.എസ്.എസ് പ്രോഗ്രാം ഓഫിസര്‍ വി.ടി സഗീന നന്ദിയും പറഞ്ഞു.