പയ്യന്നൂര്‍: ആര്‍.എസ്.എസ് പ്രവര്‍ത്തകനെ മര്‍ദിച്ചതായി പരാതി. രാമന്തളി ചിറ്റടിയിലെ തേറോത്ത് വീട്ടില്‍ അമല്‍രാജി(19)നെയാണ് കഴിഞ്ഞ വെള്ളിയാഴ്ച ഉച്ചയ്ക്ക് കുന്നരു ബാങ്കിനു സമീപം ടിപ്പര്‍ ലോറിയില്‍നിന്ന് പിടിച്ചിറക്കി മര്‍ദിച്ചത്. പരുക്കേറ്റ അമല്‍രാജിനെ പയ്യന്നൂര്‍ താലൂക്ക് ആശുപത്രിയില്‍ പ്രവേശിപ്പിച്ചു.
ഫെയ്‌സ്ബുക്കില്‍ ഇട്ട പോസ്റ്റില്‍ കമന്റ് രേഖപ്പെടുത്തിയതാണ് മര്‍ദനത്തിന് കാരണമെന്ന് പൊലിസ് പറഞ്ഞു. അമല്‍രാജിന്റെ പരാതിയില്‍ സി.പി.എം പ്രവര്‍ത്തകനായ രാമന്തളി പരുത്തിക്കാട്ടെ ജ്യോതിഷിനെതിരേ പൊലിസ് കേസെടുത്തു.