നെല്ലിയാമ്പതി: നെല്ലിയാമ്പതിയില്‍ ഇന്നലെ രാത്രി പെയ്ത മഴയില്‍ രണ്ടു സ്ഥലത്ത് റോഡിനു കുറുകെ മരം വീണതു കാരണം മണിക്കൂറുകളോളം വാഹന ഗതാഗതം തടസപ്പെട്ടു. കാരപ്പാറ നൂറടി റോഡില്‍ രണ്ടാം പാലത്തിനു സമീപം മരം റോഡിനു കുറുകെ വീണു ഗതാഗതം തടസപ്പെട്ടു. രാവിലേ 5.30ന്  കാരപ്പാറയില്‍നിന്നും പാലക്കാട്ടേക്ക് പുറപ്പെട്ട കെ.എസ്.ആര്‍.ടി.സി ബസ് ഗതാഗത തടസം മൂലം ഒന്‍പതു മണിക്കാണ് കൈകാട്ടി എത്തിയത്.രാവിലെ ആറ്  മണിക്ക് കൈകാട്ടി നെമ്മാറ റോഡില്‍ അയ്യപ്പന്‍ ക്ഷേത്രത്തിനു സമീപം മരം റോഡിനു കുറുകെ വീണതിനാല്‍ ഒരു മണിക്കൂര്‍ കൈകാട്ടി നെമ്മാറ റോഡില്‍ ഗതാഗതം തടസപ്പെട്ടു.