തലശ്ശേരി: പത്ത് വയസുകാരനായ വിദ്യാര്‍ഥിയെ രണ്ട് വര്‍ഷത്തോളം പ്രകൃതി വിരുദ്ധ പീഡനത്തിന് ഇരയാക്കിയ യുവാവിനെ പൊലിസ് അറസ്റ്റ് ചെയ്തു. കോട്ടയം മലബാര്‍ മൗവ്വഞ്ചേരിയിലെ സി. നസിമുദ്ദീനാ(37)ണ് പിടിയിലായത്. ഇന്നലെ പുലര്‍ച്ചെ മൗവ്വഞ്ചേരിയിലെ വീട്ടില്‍ വച്ചാണ് കതിരൂര്‍ പ്രിന്‍സിപ്പല്‍ എസ്.ഐ എസ്. സുകേശ് ഉള്‍പ്പെടെയുള്ള സംഘം ഇയാളെ കസ്റ്റഡിയിലെടുത്തത്. കൂത്തുപറമ്പ് സി.ഐ യു. പ്രേമന്റെ നേതൃത്വത്തില്‍ പ്രതിയെ ഇന്നലെ രാവിലെ മുതല്‍ ചോദ്യം ചെയ്തു. പ്രതി കുറ്റം സമ്മതിച്ചതായി സി.ഐ പറഞ്ഞു. ചൈല്‍ഡ് ലൈന്‍ പ്രവര്‍ത്തകരും പീഡനത്തിനിരയായ കുട്ടിയില്‍ നിന്ന് വിവരങ്ങള്‍ ശേഖരിച്ചു. പ്രതിയെ തലശ്ശേരി അഡീഷണല്‍ ജില്ലാ സെഷന്‍സ് (അഡ്‌ഹോക്ഒന്ന്) കോടതി റിമാന്‍ഡ് ചെയ്തു.