എടച്ചേരി: കേരള സ്‌കൂള്‍ എലിജിബിലിറ്റി ടെസ്റ്റ് പാസാകണമെന്ന സര്‍ക്കാറിന്റെ നിയമക്കുരുക്കില്‍ പെട്ട പുതുതായി ചേര്‍ന്ന അധ്യാപകര്‍ക്ക് അധ്യാപകരിലെ യുവസമൂഹം വഴികാട്ടിയായി.
കെ.പി.എസ്.ടി.എ യൂത്ത് ഫോറം നാദാപുരം സബ് ജില്ലാ കമ്മിറ്റിയുടെ നേതൃത്വത്തില്‍ സംഘടിപ്പിച്ച കെ ടെറ്റ് ശില്‍പശാലയാണ് വിവിധ സ്‌കൂളുകളില്‍ പുതുതായി ചേര്‍ന്ന പുതുതലമുറയിലെ അധ്യാപകര്‍ക്ക് ഏറെ സഹായകമായത്.
ഒരു ദിവസം നീണ്ടു നിന്ന ശില്‍പശാലയില്‍ വിദ്യാഭ്യാസ രംഗത്തെ പ്രമുഖര്‍, കരിയര്‍ വിദഗ്ധര്‍ ക്ലാസുകള്‍ നിയന്ത്രിച്ചു. കെ.പി.എസ്.ടി.എ സംസ്ഥാന വൈസ് പ്രസിഡന്റ് സുധാകരന്‍ പറമ്പാട്ട് ഉദ്ഘാടനം ചെയ്തു. നാദാപുരം സബ് ജില്ലാ കണ്‍വീനര്‍ വി. സജീവന്‍ അധ്യക്ഷനായി.
പരിപാടിയോടനുബന്ധിച്ച് നടന്ന മോട്ടിവേഷന്‍ ക്ലാസിന് പ്രമോദ് മാസ്റ്റര്‍ നേതൃത്വം നല്‍കി.
കെ.പി.എസ്. ടി.എ യൂത്ത് ഫോറം ചെയര്‍മാന്‍ സി.പി അഖില്‍, സുനില്‍കുമാര്‍, രമേഷ്, ആര്‍. ശ്രീരാജ്, ആര്‍. അനൂപ്, ജി.സി സജീവന്‍, അജയഘോഷ് സംസാരിച്ചു.