അമ്പലവയല്‍: 17കാരിയെ മൂന്നാനഛന്‍ ശാരീരികമായി പീഡിപ്പിച്ചതായി പരാതി. കൃഷ്ണഗിരി സ്വദേശിയായ പെണ്‍കുട്ടിയാണ് മൂന്നാനഛന്‍ തന്നെ ശാരീരികമായി പീഡിപ്പിച്ചതായി അമ്പലവയല്‍ പൊലിസില്‍ പരാതി നല്‍കിയത്. പരാതി പ്രകാരം പ്രതിയെ പൊലിസ് കസ്റ്റഡിയില്‍ എടുത്തു. 2016 ഒക്ടോബര്‍ മുതല്‍ തന്നെ പീഡിപ്പിക്കുന്നതായി പെണ്‍കുട്ടി പരാതിയില്‍ പറയുന്നു. കസ്റ്റഡിയിലെടുത്ത പ്രതിയെ സി.ഐയുടെ നേതൃത്വത്തില്‍ ചോദ്യം ചെയ്ത് വരികയാണ്. പോക്‌സോ നിയമ പ്രകാരമാണ് ഇയാള്‍ക്കെതിരേ കേസെടുത്തിരിക്കുന്നത്. ബുധനാഴ്ച്ച പ്രതിയെ കോടതിയില്‍ ഹാജരാക്കുമെന്ന് അമ്പലവയല്‍ പൊലിസ് പറഞ്ഞു.