ലക്‌നോ: ഉത്തര്‍പ്രദേശിലെ ഹത്രാസില്‍ മൂന്ന് ഇറച്ചിക്കടകള്‍ക്കു തീയിട്ടു. ചൊവ്വാഴ്ച രാത്രിയാണ് സംഭവം. സംഭവത്തിന് പിന്നില്‍ സാമൂഹ്യദ്രോഹികളാണെന്ന് പൊലിസ് പ്രതികരിച്ചു.

സംഭവത്തിനെതിരേ ശക്തമായ പ്രതിഷേധമാണ് അരങ്ങേറിയിത്. യോഗി ആദിത്യ നാഥ് അധികാരത്തിലേറി രണ്ടു ദിവസം പിന്നിട്ടപ്പോഴാണിത്. ഗോവധത്തിനെതിരെ ശക്തമായ പ്രതിഷേധങ്ങള്‍ സംഘടിപ്പിച്ചയാളാണ് ആദിത്യനാഥ്. സംസ്ഥാനത്ത് താമസിയാതെ ഗോവധ നിരോധന നിയമം പ്രാബല്യത്തിലാക്കുമെന്ന് ബി.ജെ.പിയും പ്രഖ്യാപിച്ചിരുന്നു.

കഴിഞ്ഞ ദിവസം രണ്ടു അറവു ശാലകള്‍ സംസ്ഥാനത്ത് അടച്ചു പൂട്ടിയിരുന്നു. നിയമലംഘനം നടത്തിയതിനാലാണ് നടപടിയെന്നായിരുന്നു സര്‍ക്കാര്‍ നല്‍കിയ വിശദീകരണം.