ദമസ്‌കസ്: ഐ.എസ് ആസ്ഥാനമായി അറിയപ്പെടുന്ന റഖക്കിന് സമീപം അഭയാര്‍ഥികളെ പാര്‍പ്പിച്ച സ്‌കൂളിന് നേരെ യു.എസ് സഖ്യസേന നടത്തിയ ആക്രമണത്തില്‍ നിരവധി മരണം.
33 പേരുടെ മൃതദേഹങ്ങള്‍ കണ്ടെടുത്തതായി സിറിയന്‍ ഒബ്‌സര്‍വേറ്ററി അറിയിച്ചു. അല്‍ മന്‍സൂറ ഗ്രാമത്തിലാണ് ആക്രമണം.
പടിഞ്ഞാറന്‍ റഖയിലാണ് ഈ ഗ്രാമം. അഭയാര്‍ഥികളെ പാര്‍പ്പിച്ച സ്‌കൂളിന് നേരെയാണ് ആക്രമണമെന്ന് സന്നദ്ധ പ്രവര്‍ത്തകര്‍ പറഞ്ഞു. നിരവധി പേരെ കാണാതായി.
ആക്രമണത്തെ കുറിച്ച് സിവിലിയന്‍ കാഷ്വാലിറ്റി ടീം അന്വേഷിക്കുന്നുണ്ടെന്ന് പെന്റഗണ്‍ വക്താവ് അറിയിച്ചു. ഐ.എസിനെതിരേ അവരുടെ ആസ്ഥാനമായി അറിയപെടുന്ന പ്രദേശങ്ങളില്‍ യു.എസ് നേതൃത്വത്തിലുള്ള സൈന്യം ആക്രമണം ശക്തിപ്പെടുത്തിയിരുന്നു.