ചെങ്ങന്നൂര്‍:കൃസ്ത്യന്‍ കോളജില്‍ ഗോള്‍ഡന്‍ ജൂബിലിയോടനുബന്ധിച്ച് നിര്‍മിച്ച കെട്ടിട സമര്‍പ്പണം മലങ്കര മാര്‍ത്തോമ്മ സഭ പരമാധ്യക്ഷനും കോളജ് മാനേജറുമായ ഡോ.ജോസഫ് മാര്‍ത്തോമ്മ മെത്രാപ്പോലീത്ത നിര്‍വഹിച്ചു.
ചെങ്ങന്നൂര്‍മാവേലിക്കര ഭദ്രാസനാധിപന്‍ ഡോ.തോമസ് മാര്‍ തിമോഥയോസ് എപ്പിസ്‌കോപ്പ ശുശ്രൂഷയ്ക്ക് സഹ കാര്‍മികത്വം വഹിച്ചു.
മൂന്ന് നിലയിലുള്ള 12000 ചതുരശ്ര അടിയിലാണ് ജൂബിലി കെട്ടിടു നിര്‍മിച്ചിരിക്കുന്നത് ഇതിന് 1 കോടി 30 ലക്ഷം രൂപ ചിലവഴിച്ചു. ഒന്നും രണ്ടും നിലകള്‍ കോളജ് ഫണ്ടില്‍ നിന്നും മൂന്നാം നില പ്രമുഖ വ്യവസായികളായ തോംസണ്‍ ഗ്രൂപ്പ് നിര്‍മിച്ചു നല്‍കിയതുമാണ്.