പരപ്പനങ്ങാടി: പാലത്തിങ്ങല്‍ ആശ്വാസ് ചാരിറ്റബിള്‍ ട്രസ്റ്റിന്റെ ആഭിമുഖ്യത്തില്‍ ലോക ജലദിനത്തില്‍ 'മലിനമാക്കരുത് ജലാശങ്ങള്‍' കാംപയിന് തുടക്കമായി. പദ്ധതിയുടെ ഭാഗമായി പാലത്തിങ്ങല്‍ പുഴയോരത്ത് മുന്നറിയിപ്പ് ബോര്‍ഡുകള്‍ സ്ഥാപിക്കലും ബോധവത്ക്കരണവും നടത്തി. പരപ്പനങ്ങാടി പൊലിസ് സബ്ഇന്‍സ്‌പെക്ടര്‍ കെ.ജെ ജിനേഷ് ഉദ്ഘാടനം ചെയ്തു. മുബഷിര്‍ കുണ്ടാണത്ത് അധ്യക്ഷനായി. ഡി.ഡി ഗ്രൂപ്പ് പ്രതിനിധി മുജീബ് റഹ്മാന്‍, പാസ്സ് പാലത്തിങ്ങല്‍ പ്രതിനിധി വി.പി മുജീബ്, എ.വി ഹസ്സന്‍കോയ, എം.വി അജാസ് ഗഫൂര്‍ സംസാരിച്ചു. അന്‍വര്‍ കുന്നുമ്മല്‍, കെ സലീഷ് ബാബു, റഹീം പതിനാറാംകണ്ടത്തില്‍, ഷാജി, സമീര്‍ പാട്ടശ്ശേരി എന്നിവര്‍ നേതൃത്വം നല്‍കി.