മുക്കം: ജലസംരക്ഷണത്തിന്റെ പ്രധാന്യം വിളിച്ചറിയിച്ച് എസ്.കെ.എസ്.എസ്.എഫ് ജില്ലാ കമ്മിറ്റി സംഘടിപ്പിച്ച ജലയാത്ര ശ്രദ്ധേമായി. ജലം = ജീവന്‍ എന്ന പ്രമേയത്തില്‍ സംഘടന നടത്തി വരുന്ന ജലസംരക്ഷണ കാംപയിനിന്റെ ഭാഗമായി സംഘടിപ്പിച്ച ജലയാത്ര ചാലിയാറില്‍നിന്ന് ആരംഭിച്ച് മുക്കത്ത് സമാപിച്ചു. വെള്ളത്തിന്റെ ഉപയോഗം മിതപ്പെടുത്താന്‍ മുഴുവനാളുകളും ജാഗ്രത പാലിക്കണമെന്ന് നേതാക്കള്‍ ആവശ്യപ്പെട്ടു.
 ജലയാത്രക്ക് ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി, കുഞ്ഞാലന്‍ കുട്ടി ഫൈസി, ഒ.പി അഷ്‌റഫ് കുറ്റിക്കടവ്, നൂറുദ്ദീന്‍ ഫൈസി മുണ്ടുപാറ, അലി അക്ബര്‍ മുക്കം, പി.ടി മുഹമ്മദ് കാതിയോട്, റഹീം കുറ്റിക്കാട്ടൂര്‍, അസ്‌കര്‍ പൂവാട്ടുപറമ്പ് നേതൃത്വം നല്‍കി.
സമാപനസംഗമം സുന്നി യുവജന സംഘം സംസ്ഥാന സെക്രട്ടറി നാസര്‍ ഫൈസി കൂടത്തായി ഉദ്ഘാടനം ചെയ്തു. സുന്നി മഹല്ല് ഫെഡറേഷന്‍ ജില്ലാ സെക്രട്ടറി സലാം ഫൈസി മുക്കം അധ്യക്ഷനായി. കെ.എന്‍.എസ് മൗലവി, കെ.വി അബ്ദുറഹിമാന്‍,മൂസക്കുട്ടി നെല്ലിക്കാപറമ്പ്, അയ്യൂബ് കൂളിമാട്, നടുക്കണ്ടി അബൂബക്കര്‍, സുബൈര്‍ മാസ്റ്റര്‍, സുല്‍ഫീക്കര്‍, മജീദ് മാസ്റ്റര്‍, അബ്ദുല്‍ ബിര്‍റ് മാസ്റ്റര്‍ സംസാരിച്ചു. അലി അക്ബര്‍ മുക്കം സ്വാഗതവും നുഅ്മാന്‍ നന്ദിയും പറഞ്ഞു.