തിരുവനന്തപുരം: കെ.പി.സി.സി പ്രസിഡന്റ് വി.എം. സുധീരന്‍ സ്ഥാനം ഒഴിയുകയും, യൂത്ത് കോണ്‍ഗ്രസ് വൈസ് പ്രസിഡന്റ് സി. ആര്‍ മഹേഷ് രാജിവെക്കുകയും കെ.എസ്.യുക്കാര്‍ അവരുടെ പ്രസിഡന്റിനെ തിരഞ്ഞെടുക്കാന്‍ തമ്മില്‍ തല്ലുകയും ചെയ്യുന്ന സാഹചര്യത്തില്‍ മഹാത്മഗാന്ധി പറഞ്ഞ വാക്കുകള്‍ പ്രാവര്‍ത്തികമാക്കുന്നതിന് വേണ്ടി കോണ്‍ഗ്രസ് പിരിച്ചുവിടുന്നതാണ് ഉചിതമെന്ന് എന്‍.സി.പി സംസ്ഥാന പ്രസിഡന്റ് ഉഴവൂര്‍ വിജയന്‍ പറഞ്ഞു. ഇത്തരത്തില്‍ ദുര്‍ബലമായ കോണ്‍ഗ്രസ് നേതൃത്വം നല്‍കുന്ന യു.ഡി.എഫ് മലപ്പുറം ഉപതിരഞ്ഞെടുപ്പില്‍ വിജയിക്കുമെന്ന് പറഞ്ഞാല്‍ അതൊരു തമാശയായി മാത്രമേ ജനങ്ങള്‍ക്ക് കാണാന്‍ കഴിയുകയുള്ളു. മലപ്പുറം തിരഞ്ഞെടുപ്പ് കൂടി കഴിഞ്ഞാല്‍ യു.ഡി.എഫ് ഒരു സുനാമിയായി മാറുമെന്നും ഉഴവൂര്‍ വിജയന്‍ പറഞ്ഞു.