ബാങ്കോക്: തോമസ് ആന്‍ഡ് യൂബര്‍ കപ്പ് ബാഡ്മിന്റണില്‍ നിന്ന് വനിതകള്‍ (യൂബര്‍ കപ്പ്) പുറത്ത്. നിര്‍ണായക പോരാട്ടത്തില്‍ ജപ്പാനോട് 0-5ന് തോല്‍വി വഴങ്ങിയാണ് ഇന്ത്യന്‍ വനിതകള്‍ പുറത്തേക്കുള്ള വഴി കണ്ടത്. ആദ്യ മത്സരത്തിനിറങ്ങിയ ഇന്ത്യയുടെ സൈന നേഹ്‌വാള്‍ ലോക രണ്ടാം നമ്പര്‍ താരം അഗിനെ യമഗുചിയോട് പരാജയപ്പെട്ടു. രണ്ടാം സെറ്റ് നേടി സൈന തിരിച്ചടിച്ചെങ്കിലും അന്തിമ വിജയം ജപ്പാന്‍ സൂപ്പര്‍ താരത്തിന് തന്നെയായി. സ്‌കോര്‍: 19-21, 21-9, 2-22. ആദ്യ മത്സരത്തില്‍ ടീം കാനഡയോട് പരാജയപ്പെട്ടെങ്കിലും രണ്ടാം മത്സരത്തില്‍ ആസ്‌ത്രേലിയയെ തകര്‍ത്ത് ഇന്ത്യ തിരിച്ചെത്തിയിരുന്നു. എന്നാല്‍ ആ മികവ് നര്‍ണായക ഘട്ടത്തില്‍ ഇന്ത്യക്ക് നിലനിര്‍ത്താന്‍ സാധിക്കാതെ പോയി.