കൊണ്ടോട്ടി: ഷാര്‍ജയില്‍ നിന്ന് കരിപ്പൂരിലേക്കുള്ള വിമാനം റദ്ദാക്കിയത് കരിപ്പൂരില്‍ മുംബൈയിലേക്കുള്ള യാത്രക്കാരുടെ ബഹളത്തിലും കൈയേറ്റത്തിലും കലാശിച്ചു.

ഇന്നു രാവിലെ 6.20ന് കരിപ്പൂരിലെത്തി 7.30ന് മുംബൈയിലേക്ക് പോകേണ്ട എയര്‍ ഇന്ത്യാ വിമാനമാണ് സാങ്കേതിക തകരാര്‍ മൂലം റദ്ദാക്കിയത്.

ഷാര്‍ജയില്‍ നിന്നുള്ള വിമാനത്തിന് കരിപ്പൂരിലെത്താനായിരുന്നില്ല. വിമാനം റദ്ദായതറിഞ്ഞതോടെ മുംബൈയിലേക്കുള്ള യാത്രക്കാര്‍ ബഹളം വച്ചു.

ഇതിനിടയില്‍ കോഴിക്കോട് സ്വദേശിനിയായ യുവതി എയര്‍ഇന്ത്യ ജീവനക്കാരിയെ തള്ളി താഴെയിട്ടു. ജീവനക്കാരിക്ക് പരുക്കേറ്റതോടെ പ്രശ്‌നം രൂക്ഷമായി. ഇതിനിടെ യാത്രക്കാരിക്ക് അപസ്മാര രോഗം പിടിപിട്ടു.

ഇവരെ കൊണ്ടോട്ടിയിലെ സ്വകാര്യ ആശുപത്രിയിലേക്ക് മാറ്റി. പിന്നീട് ഇവര്‍ക്കെതിരേ എയര്‍ഇന്ത്യ പൊലിസില്‍ പരാതി നല്‍കി. യാത്രക്കാരെ ഹോട്ടലിലേക്കും വീടുകളിലേക്കും അയച്ചു.