മക്ക: റമദാനിലെ കടുത്ത ചൂടില്‍ മക്കയിലെത്തുന്ന തീര്‍ഥാടകര്‍ക്ക് ആശ്വാസമായി വിപുലമായ സംവിധാനങ്ങള്‍.
പള്ളിക്കകത്തും ഇടവഴികളിലും തണുത്ത കാറ്റില്‍ കുളിരു പകര്‍ന്നു നല്‍കുമ്പോള്‍ ചുട്ടുപൊള്ളുന്ന പള്ളിക്കു പുറത്ത് വെള്ളം ചീറ്റുന്ന വാട്ടര്‍ സ്‌പ്രേകളാണ് വ്യാപകമായി ഉപയോഗിക്കുന്നത്. കൂടാതെ ഫാനുകളും ഒരുക്കിയിട്ടുണ്ട്. 40 മുതല്‍ 45 ഡിഗ്രി സെല്‍ഷ്യസ് വരെ ചൂടാണ് ഇപ്പോള്‍ മക്കയില്‍ അനുഭവപ്പെടുന്നത്.
ഹറം മുറ്റങ്ങളില്‍ മാത്രം നൂറുകണക്കിന് വാട്ടര്‍ സ്‌പ്രേ ഫാനുകളാണ് ഒരുക്കിയിരിക്കുന്നത്. അന്തരീക്ഷ താപനില 30 ഡിഗ്രിയില്‍ അധികമായി തുടങ്ങുമ്പോഴാണ് ഫാനുകള്‍ പ്രവര്‍ത്തിപ്പിക്കുക.