ലണ്ടന്‍: പാകിസ്താനെതിരായ ഒന്നാം ക്രിക്കറ്റ് ടെസ്റ്റില്‍ ഇംഗ്ലണ്ടിന് ബാറ്റിങ് തകര്‍ച്ച. ഒന്നാം ഇന്നിങ്‌സില്‍ അവര്‍ 184 റണ്‍സില്‍ പുറത്തായി. ഒന്നാം ഇന്നിങ്‌സ് തുടങ്ങിയ പാകിസ്താന്‍ ഒടുവില്‍ വിവരം കിട്ടുമ്പോള്‍ ഒരു വിക്കറ്റ് നഷ്ടത്തില്‍ 43 റണ്‍സെന്ന നിലയില്‍. ടോസ് നേടി ബാറ്റിങ് തിരഞ്ഞെടുത്ത ഇംഗ്ലണ്ടിനായി മുന്‍ നായകന്‍ അലിസ്റ്റര്‍ കുക്ക് മാത്രമാണ് പൊരുതിയത്. താരം 70 റണ്‍സെടുത്തു. മധ്യനിരയില്‍ ബെന്‍സ്റ്റോക്‌സ് 38 റണ്‍സും ബെയര്‍‌സ്റ്റോ 27 റണ്‍സുമെടുത്തു. നാല് വീതം വിക്കറ്റുകള്‍ വീഴ്ത്തിയ മുഹമ്മദ് അബ്ബാസ്, ഹസന്‍ അലി എന്നിവരുടെ ബൗളിങാണ് ഇംഗ്ലണ്ടിനെ കുഴക്കിയത്.