വാഷിങ്ടണ്‍: മുന്‍ പ്രസിഡന്റ് ബറാക് ഒബാമയുടെ ആരോഗ്യപദ്ധതിയായ ഒബാമ കെയര്‍ പൂട്ടിക്കാനുള്ള പ്രഡിന്റ് ട്രംപിന്റെ ശ്രമങ്ങള്‍ക്ക് തിരിച്ചടി. റിപ്പബ്ലിക്കന്‍ പാര്‍ട്ടിയെ അംഗങ്ങള്‍ തന്നെ പദ്ധതിയെ എതിര്‍ത്തതോടെയാണ് ട്രംപിന്റെ ആരോഗ്യ ഇന്‍ഷുറന്‍സ് പദ്ധതി അമേരിക്കന്‍ കോണ്‍ഗ്രസ്സില്‍ പാസാക്കാന്‍ കഴിയാതായത്. ഒബാമ കെയര്‍ ഉടച്ചുവാര്‍ക്കുക എന്നത് ട്രംപിന്റെ സ്വപ്‌ന പദ്ധതികളിലൊന്നായിരുന്നു.

ട്രംപിന്റെ തെരഞ്ഞെടുപ്പ് വാഗ്ദാനങ്ങളിലൊന്നായിരുന്നു ഒബാമ കെയര്‍ ഉടച്ചു വാര്‍ക്കുമെന്നത്. അതിന് തിരിച്ചടിയാണ് ഇപ്പോള്‍ കണ്ടത്. യു.എസ് കോണ്‍ഗ്രസ്സിലും സെനറ്റിലും ഭൂരിപക്ഷം ഉണ്ടായിട്ടുപോലും ബില്ലിനെതിരേ സ്വന്തം പാര്‍ട്ടിക്കാര്‍ തന്നെ മുന്നോട്ടുവന്നതാണ് ട്രംപിന് തിരിച്ചടിയായത്. ബില്ല് പാസാവാന്‍ കോണ്‍ഗ്രസ്സില്‍ കുറഞ്ഞത് 215 റിപ്പബ്ലിക്കന്‍ അംഗങ്ങളുടെ പിന്തുണ വേണം. എന്നാല്‍, വോട്ടെടുപ്പില്‍ 35 ലധികം അംഗങ്ങള്‍ ബില്ലിനെ എതിര്‍ത്തതോടെ ബില്ല് പിന്‍വലിക്കുകയായിരുന്നു.