കോട്ടയം: സംസ്ഥാന സര്‍ക്കാരിന്റെ വാര്‍ഷികാഘോഷങ്ങളുടെ ഭാഗമായി പിആര്‍ഡി യുടെ പ്രചരണ വാഹനം ജില്ലയില്‍ പര്യടനം തുടങ്ങി. 3 ദിവസം നീണുനില്‍ക്കുന്ന പര്യടനമാണ് ആരംഭിച്ചത്.
സര്‍ക്കാരിന്റെ വികസന നേട്ടങ്ങള്‍ സംബദ്ധിച്ച ചിത്രങ്ങളും വീഡിയോയുമാണ് ശീതീകരിച്ച പ്രചരണ വാഹനത്തില്‍ സജ്ജീകരിച്ചിരിക്കുന്നത്. ഹരിത കേരളം, ആര്‍ദ്രം, ലൈഫ്, ഉള്‍പെടെയുള്ള വികസന പദ്ധതികള്‍ ജനങ്ങളിലെത്തിക്കുകയാണ് പ്രചരണ യാത്രയിലൂടെ ലക്ഷ്യമിടുന്നത്. ജില്ലയിലെ പ്രചരണ വാഹനത്തിന്റെ പര്യടനം കലക്ട്രേറ്റ് വളപ്പില്‍ കലക്ടര്‍ ബി.എസ് തിരുമേനി ഫ്‌ളാഗ് ഓഫ് ചെയ്തു. പാമ്പാടി പള്ളിക്കത്തോട്, വാഴൂര്‍ ചങ്ങനാശേരി മേഖലകളിലൂടെയാണ് ഇന്നലെ പര്യടനം നടത്തി.
വിവിധ ജനപ്രതിനിധികളും സാംസ്‌ക്കാരിക പ്രവര്‍ത്തകരും വിവിധയിടങ്ങളില്‍ പര്യടനത്തോടൊപ്പം സംബന്ധിക്കും. ശനിയാഴ്ച തലയോലപ്പറമ്പ്, വൈക്കം മേഖലകളിലെ പര്യടനം പൂര്‍ത്തിയാക്കി വാഹനം എറണാകുളം ജില്ലയിലേക്ക് പോകും.