റിയാദ്: പാചകവാതകം ചോര്‍ന്ന് തീപിടിച്ചു ജിദ്ദയില്‍ രണ്ടു പേര്‍ക്ക് പൊള്ളലേറ്റു. ദക്ഷിണ ജിദ്ദയിലെ നാല് നില അപ്പാര്‍ട്ട്‌മെന്റില്‍ നാലാം നിലയിലാണ് അപകടം. സിലിണ്ടര്‍ പൊട്ടിത്തെറിച്ച് ഫഌറ്റിന്റെ മുന്‍വശത്തെ മൂന്നു ചുമരുകള്‍ തകര്‍ന്നു താഴേക്ക് വീണു നിര്‍ത്തിയിട്ടിരുന്ന വാഹനങ്ങള്‍ക്ക് കേടുപാടുകള്‍ സംഭവിക്കുകയും ചെയ്തു. പാചക വാതക ഗ്യാസ് സിലിണ്ടറില്‍ നിന്നും ഗ്യാസ് ചോരുന്നതിനിടെ തീപൊരിയുണ്ടായതാണ് പൊട്ടിത്തെറിക്ക് കാരണം. സഊദി സിവില്‍ ഡിഫന്‍സും റെഡ് ക്രസന്റും സംഭവ സ്ഥലത്തെത്തി പരുക്കേറ്റവരെ ആശുപത്രിയിലേക്ക് മാറ്റി. പരുക്കേറ്റ വനിതയുടെ പൊള്ളല്‍ ഗുരുതരമാണെങ്കിലും പുരുഷന്റെ പരുക്ക് സാരമുള്ളതല്ല.