പഴയങ്ങാടി: രാജ്യത്തിന്റെ ബഹുസ്വരത ഏറെ വെല്ലുവിളിക്കപ്പെടുന്ന വര്‍ത്തമാനകാലത്ത് മുസ്‌ലിംലീഗിന്റെയും കെ.എം.സി.സിയുടെയും പ്രവര്‍ത്തനങ്ങള്‍ വിശ്വാസ്യതയും മതമൈത്രിയും ശക്തിപ്പെടുത്താന്‍ ഉപകരിക്കപ്പെടുമെന്നു പാണക്കാട് സയ്യിദ്  മുഹമ്മദലി ശിഹാബ് തങ്ങള്‍. പഴയങ്ങാടിയില്‍ മാടായിയിലെ അന്ധഗായകന്‍ എം.പി കൃഷ്ണന് ബൈത്തുറഹ്മ താക്കോല്‍ ദാനം നിര്‍വഹിച്ച് സംസാരിക്കുകയായിരുന്നു അദ്ദേഹം. വി.കെ അബ്ദുല്‍ഖാദര്‍ മൗലവി ഉദ്ഘാടനം ചെയ്തു. ടി.പി അബ്ബാസ് ഹാജി അധ്യക്ഷനായി.
പി.എം ഷെരീഫ്, പി. കുഞ്ഞിമുഹമ്മദ്, അബ്ദുല്‍കരീം ചേലേരി, വി.പി വമ്പന്‍, പി.ഒ.പി മുഹമ്മദലി ഹാജി, കെ.ടി സഹദുല്ല, എസ്.കെ ആബീദ, എസ്.കെ.പി സക്കരിയ, പി.എം ഹനീഫ്, വി.പി മുഹമ്മദലി, എ.പി ബദറുദ്ദീന്‍, എസ്.യു റഫീഖ്, കായിക്കാരന്‍ സയ്യിദ സംസാരിച്ചു.