പെരിന്തല്‍മണ്ണ: സര്‍ക്കാര്‍ നിരോധിത പ്ലാസ്റ്റിക്ക് ക്യാരിബാഗുകള്‍ വില്‍പന നടത്തുന്നവര്‍ക്കെതിരേ പെരിന്തല്‍മണ്ണ നഗരസഭ നടപടികള്‍ ആരംഭിച്ചു. വിവിധ സ്ഥാപനങ്ങളില്‍ നിന്നായി 10 കിലോയോളം നിരോധിത പ്ലാസ്റ്റിക്ക് ക്യാരിബാഗുകള്‍ പിടിച്ചെടുത്തു. നഗരസഭാ ആരോഗ്യ വിഭാഗം നടത്തിയ പരിശോധനയിലാണ് വസ്തുക്കള്‍ പിടിച്ചെടുത്തത്. സ്ഥാപനങ്ങള്‍ക്കെതിരേ പിഴ ഉള്‍പ്പടെയുള്ള നിയമാനുസൃത നടപടികള്‍ സ്വീകരിക്കുമെന്നും ഇത്തരം പരിശോധനകള്‍ തുടരുമെന്നും നഗരസഭാ സെക്രട്ടറി അറിയിച്ചു.