കോഴിക്കോട്: ദേവര്‍ഷി നാരദ ജയന്തിയോടനുബന്ധിച്ച് വിശ്വസംവാദ കേന്ദ്രം ഏര്‍പ്പെടുത്തിയ പ്രഥമ പി.വി.കെ നെടുങ്ങാടി സ്മാരക മാധ്യമപുരസ്‌കാരം ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാസ് കമ്മ്യൂണിക്കേഷന്‍ ഡയറക്ടര്‍ ജനറല്‍ കെ.ജി സുരേഷ് മലയാള മനോരമ പ്രത്യേകലേഖകന്‍ അനില്‍ കുരുടത്തിന് സമ്മാനിച്ചു.
മുതിര്‍ന്ന മാധ്യമപ്രവര്‍ത്തകനായ കെ.പി കുഞ്ഞിമൂസ, മുതിര്‍ന്ന ഫോട്ടോഗ്രാഫറായ സി. ചോയിക്കുട്ടി എന്നിവരെ ആദരിച്ചു. തപസ്യ രക്ഷാധികാരി പി. ബാലകൃഷ്ണന്‍ അധ്യക്ഷനായി. എ.കെ അനുരാജ് അവാര്‍ഡ് ജേതാവിനെയും ആദരിക്കുന്നവരെയും പരിചയപ്പെടുത്തി. കേരള പത്രപ്രവര്‍ത്തക യൂനിയന്‍ സംസ്ഥാന പ്രസിഡന്റ് കമാല്‍ വരദൂര്‍, കോഴിക്കോട് പ്രസ്‌ക്ലബ് വൈസ് പ്രസിഡന്റ് ടി.എച്ച്. വത്സരാജ്, കെ.ഡി ഹരികുമാര്‍ സംസാരിച്ചു.