കോഴിക്കോട്: ദേശീയ ബാല തരംഗം സംസ്ഥാന കമ്മിറ്റി ഏര്‍പ്പെടുത്തിയ രണ്ടാമത് ജവഹര്‍ ബാലസാഹിത്യ പുരസ്‌കാരം പ്രഖ്യാപിച്ചു. മുല്ലപ്പള്ളി നാരായണന്‍ നമ്പൂതിരിയുടെ പൂവാലന്‍ കോഴി എന്ന കൃതിയാണ് ഈ വര്‍ഷത്തെ പുരസ്‌കാരത്തിന് അര്‍ഹമായത്.
പൂവത്തൂര്‍ സദാശിവന്‍, മുന്‍ എം.എല്‍.എ ടി.ശരത്ചന്ദ്രപ്രസാദ്, വിജയന്‍ കോടഞ്ചേരി എന്നിവരടങ്ങിയ സമിതിയാണ് പുരസ്‌കാര ജേതാവിനെ തെരഞ്ഞെടുത്തത്. പതിനായിരത്തിയൊന്ന് രൂപയും പ്രശസ്തി പത്രവും ഫലകവും അടങ്ങുന്ന പുരസ്‌കാരം ഏപ്രില്‍ ഒന്ന് ശനിയാഴ്ച രാവിലെ പത്തിന് പൊലിസ് ക്ലബ്ബില്‍ നടക്കുന്ന ചടങ്ങില്‍ കെ.മുരളീധരന്‍ എം.എല്‍.എ വിതരണം ചെയ്യും. എം.പി അബ്ദുസ്സമദ് സമദാനി, സംവിധായകന്‍ ഹരിഹരന്‍, അഡ്വ.പി.എസ് ശ്രീധരന്‍ പിള്ള, ടി.വി ബാലന്‍ സംബന്ധിക്കും. വാര്‍ത്താ സമ്മേളനത്തില്‍ ബാലതരംഗം സംസ്ഥാന ചീഫ് കോര്‍ഡിനേറ്റര്‍ ജഗത്മയന്‍ ചന്ദ്രപുരി, സംസ്ഥാന വൈസ് പ്രസിഡന്റ് അനന്തു നമ്പയില്‍, ജില്ലാ രക്ഷാധികാരി പി.അനില്‍ ബാബു, ബി.അക്ഷത, ജില്ലാ വൈസ് ചെയര്‍മാന്‍ ടി.കെ റുഷ്ദ പങ്കെടുത്തു.