ഡുബ്ലിന്‍: ഇന്ത്യക്കാരിയുടെ ജീവനാണ് അയര്‍ലന്‍ഡില്‍ ചരിത്രപരമായ ഭരണഘടാ ഭേദഗതിയിലേക്കു നയിച്ചത്. 2012ലായിരുന്നു 31കാരിയായ ഡോ. സവിതാ ഹാലപ്പനാവര്‍ ഗര്‍ഭധാരിണിയായിരിക്കെ മരിച്ചത്. അയര്‍ലന്‍ഡില്‍ ദന്തരോഗ വിഭാഗത്തില്‍ ഡോക്ടറായിരുന്നു അവര്‍.
ആരോഗ്യപ്രശ്‌നങ്ങള്‍ കാണിച്ച് 17 ആഴ്ച പ്രായമായ ഗര്‍ഭം അലസിപ്പിക്കാന്‍ അവര്‍ കോടതിയെ സമീപിച്ചെങ്കിലും അനുകൂല വിധി സമ്പാദിക്കാനായില്ല. തുടര്‍ന്ന് 2012 ഒക്ടോബറില്‍ രക്തത്തിലെ അണുബാധ കാരണം അവര്‍ മരണത്തിനു കീഴടങ്ങി. ഇത് അയര്‍ലന്‍ഡില്‍ വന്‍ കോളിളക്കം സൃഷ്ടിച്ചു. തുടര്‍ന്നാണ് ഭരണഘടനാ ഭേദഗതിക്കായി രാജ്യത്ത് മുറവിളികളുയര്‍ന്നത്. വെള്ളിയാഴ്ച നടന്ന വോട്ടെടുപ്പിലും സവിതയുടെ ചിത്രം വച്ചായിരുന്നു ഭേദഗതിയെ അനുകൂലിക്കുന്നവര്‍ കാംപയിന്‍ നടത്തിയത്.