മലപ്പുറം: സമസ്ത ഉപാധ്യക്ഷനായിരുന്ന പാണക്കാട് സയ്യിദ് ഉമറലി ശിഹാബ് തങ്ങളുടെ ഒന്‍പതാമത് ഉറൂസിന്റെ ഭാഗമായി 29നു മലപ്പുറത്ത് പണ്ഡിത സംഗമവും ആത്മീയ സദസും നടക്കും.
      ളുഹ്ര്‍ നിസ്‌കാരാനന്തരം പാണക്കാട് മഖാമില്‍ നടക്കുന്ന കൂട്ട സിയാറത്തോടെ പരിപാടികള്‍ തുടങ്ങും.
പാണക്കാട് സയ്യിദ് സ്വാദിഖലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍ എന്നിവര്‍ നേതൃത്വം നല്‍കും. മൗലിദ് പാരായണം, അനുസ്മരണ പ്രഭാഷണം, കൂട്ട പ്രാര്‍ഥന എന്നിവയ്ക്കു ശേഷം സമസ്ത മണ്ഡലം ലീഡേഴ്‌സ് മീറ്റും പണ്ഡിത ചര്‍ച്ചയും നടക്കും. സമസ്ത മലപ്പുറം മണ്ഡലം പ്രവര്‍ത്തക സമിതി അംഗങ്ങള്‍, മണ്ഡലത്തിലെ ഖത്വീബുമാര്‍, സുന്നി യുവജന സംഘം മണ്ഡലം പ്രവര്‍ത്തക സമിതി അംഗങ്ങള്‍ എന്നിവര്‍ ളുഹ്ര്‍ നിസ്‌കാരത്തിനു പാണക്കാട് പള്ളിയില്‍ എത്തിച്ചേരണമെന്ന് സയ്യിദ് സ്വാദിഖലി ശിഹാബ് തങ്ങള്‍ അറിയിച്ചു.