തിരുവനന്തപുരം: പുളിയറക്കോണം മധുവനം ആശ്രമത്തില്‍ സത്യസായി ബാബയുടെ മഹാസമാധി നാളെ ആഘോഷിക്കും. പരിപാടിയില്‍ ഉസ്താദ് ഫയസ് ഖാന്‍ സാഹിബിന്റെ ശിഷ്യനും പ്രശസ്ത സൂഫി സംഗീതജ്ഞനുമായ അഷ്‌റഫ് ഹൈദ്രോസും സംഘവും അവതരിപ്പിക്കുന്ന ഖവാലി സംഗീത പരിപാടിയും അരങ്ങേറും. വൈകിട്ട് 5 മണി മുതല്‍ മധുവനത്തിലെ സായി ബാബയുടെ  വസതി ഭക്തജനങ്ങള്‍ക്ക് പ്രണാമങ്ങള്‍ അര്‍പ്പിക്കുന്നതിനായി തുറന്നു കൊടുക്കും. 6 മുതലാണ് രണ്ട് മണിക്കൂര്‍ നീണ്ടു നില്‍ക്കുന്ന സംഗീത പരിപാടി.
ബംഗളൂരു ആസ്ഥാനമാക്കിയ അഷ്‌റഫ്  േൈഹദ്രാസ്, ഹിന്ദുസ്ഥാനി സംഗീത ശൈലിയും ഖവാലിയും കോര്‍ത്തിണക്കുന്ന ഖയാല്‍ ഏ ഖവാലി എന്ന നവീന രീതിയുടെ ഉപജ്ഞാതാവാണ്. ഖവാലി സംഘത്തില്‍ രത്‌നശ്രീ അയ്യര്‍, ജയപ്രകാശ്, സച്ചിന്‍ദാസ്, ഷാജി, ഫസലുദ്ദീന്‍, വിവേക് ടി.പി, മിഥുലേഷ്, ഗാനി എന്നിവര്‍ അഷ്‌റഫ് ഹൈദ്രോസിനെ അനുഗമിക്കും.
പൈതൃകമായി ലഭിച്ച സംഗീതത്തിലുള്ള അഭിരുചിക്ക് പുറ േമ ഡല്‍ഹി യൂനിവേഴ്‌സിറ്റിയില്‍ നിന്നും സംഗീതത്തില്‍ ബിരുദാനന്തര ബിരുദം, എം.ഫില്‍ എന്നിവയും സംഗീത ശിരോമണി പുരസ്‌കാരവും നേടിയിട്ടുണ്ട്.