തിരുവനന്തപുരം: കേരളാ സഹൃദയവേദിയുടെ 522ാമതു പരിപാടിയുടെ ഭാഗമായി തിരുവനന്തപുരം ഗവ. ആയുര്‍വേദ കോളജ് പി.ടി.എയുടെയും കണിയാപുരം നിബ്രാസുല്‍ ഇസ്‌ലാം വാഫി കോളജിന്റെ നിര്‍ബന്ധിത സാമൂഹിക സേവന കരിക്കുലത്തിന്റെയും സഹകരണത്തോടെ കണിയാപുരം നിബ്രാസുല്‍ ഇസ്‌ലാം വാഫി കാംപസില്‍ നടന്ന മെഗാ ആയുര്‍വേദ മെഡിക്കല്‍ ക്യാംപ് ആയുര്‍വേദ മെഡിക്കല്‍ ശാസ്ത്രത്തിന്റെ അവിറുകളും ചികിത്സാ രീതികളും പകര്‍ന്ന് വിസ്മയകരമാക്കി.
ആയുര്‍വേദ മെഡിക്കല്‍കോളജ്  തിരുവനന്തപുരം ആര്‍.എം.ഒയുടെയും ദേശീയ പുരസ്‌കാരം നേടിയ അധ്യാപക പ്രതിഭയുമായ ഡോ. എസ്. ഗോപകുമാറിന്റെയും നേതൃത്വത്തില്‍ 20ല്‍പ്പരം ഡോക്ടര്‍മാരും ടെക്‌നിക്കല്‍ സ്റ്റാഫുകളും ക്യാംപില്‍ പങ്കെടുത്തു. സന്ധി രോഗങ്ങള്‍, ഉദരരോഗം, പ്രമേഹം, രക്തസമ്മര്‍ദം, കൊളസ്‌ട്രോള്‍, കുട്ടികളുടെ വിഭാഗം തുടങ്ങിയ ചികിത്സാ കൗണ്ടറുകളിലൂടെ 250 പേര്‍ ക്യാംപില്‍ സേവനം പ്രയോജനപ്പെടുത്തി. ഉദ്ഘാടനം കേരളാ സഹൃദയവേദി പ്രസിഡന്റ് ചാന്നാങ്കര എം.പി കുഞ്ഞ് നിര്‍വഹിച്ചു. ഷഹീര്‍ ജി അഹമ്മദ്, ഷഹീര്‍ ഖരീം, മുനീര്‍ കൂരവിള, കടവിളാകം കബീര്‍, ജി. മാഹീന്‍ അബൂബക്കര്‍, ഷാഫി പെരുമാതുറ, ജി. മാഹീന്‍ അബൂബക്കര്‍, ചാന്നാങ്കര കഹീര്‍, മന്‍സൂര്‍ ഗസ്സാലി, എ. അബ്ദുല്‍ജബ്ബാര്‍ എന്നിവര്‍ സംസാരിച്ചു. സജാദ് പ്ലാമൂട്ടില്‍, മുഹമ്മദ് അബ്ദുല്‍ഖാദര്‍, ബുഹാരി അന്‍സാരി, സലീം, അന്‍സര്‍ ബാഖവി പുല്ലാമ്പാറ, സെയ്ദ് അലി വാഫി, തന്‍സീല്‍, മുഹമ്മദ് എന്നിവര്‍ നേതൃത്വം നല്‍കി.