മുട്ടം: മാലിന്യം നിക്ഷേപിക്കുന്നതിനെതിരെ മുട്ടം പൊലിസ് രംഗത്ത്.പെരുമറ്റം മുതല്‍ കനാലിന്റെ സമീപം പഴയ റോഡിന് സമീപം വരെയുള്ള സ്ഥലങ്ങളില്‍ റോഡിന്റെ രണ്ട് സൈഡിലും വ്യാപകമായി മലിന്യം നിക്ഷേപിക്കുന്നതിനെതിരെയാണ് മുട്ടം എസ്.ഐ.ബിജോയിയുടെ നേതൃത്വത്തിലുള്ള പൊലിസ് രംഗത്തെത്തിയിരിക്കുന്നത്.
ഒന്നാം ഘട്ടത്തില്‍ പെരുമറ്റം മുതല്‍ എഞ്ചിനീയറിംഗ് കോളജ് ജംഗ്ഷന്‍ വരെയുള്ള സ്ഥലങ്ങളില്‍ മാലിന്യം നിക്ഷേപിക്കരുത് എന്ന ബോര്‍ഡ് സ്ഥാപിച്ചു. രണ്ടാം ഘട്ടത്തില്‍ ഇവിടങ്ങളില്‍ നിരീക്ഷണ ക്യാമറകള്‍ സ്ഥാപിക്കാനാണ് പൊലിസിന്റെ പദ്ധതി. പ്ലാസ്റ്റിക്ക് കവറുകളിലും ചാക്കുകളിലും ചെറിയ കെട്ടുകളാക്കി പെരുമറ്റം മുതല്‍ പഴയ റോഡ് വരെയുള്ള സ്ഥലങ്ങളില്‍ മാലിന്യങ്ങള്‍ നിക്ഷേപിക്കുന്നത് വ്യാപകമായിരുന്നു. വാഹനങ്ങളില്‍ യാത്ര ചെയ്യുന്നവര്‍ ഭക്ഷണം കഴിക്കുന്നതിന് പഴയ റോഡിന്റെ സമീപം ഇടത്താവളമാക്കിയിരുന്നു.